सर्वियालाई विश्वकपसम्म पुराएका राष्ट्रिय फुटबल टिमका मूख्य प्रशिक्षक स्लावोलुब मुस्लिनलाई सर्बियाको फुटबल एसोसिएसनले बर्खास्त गरेको छ । मुस्लिनले सर्बियालाई आउँदो वर्ष रुसमा हुने विश्वकप फुटबलका लागि छनौट गराउन सफल भएका थिए । तर सर्बियाको फुटबल एसोसिएसन (एफएसएस) ले सहमतिमा परिवर्तन गरिएको र उनका सहयोगी म्लाडिन क्रस्ताजिकले तत्कालका लागि कार्यकारी प्रशिक्षकको जिम्मेवारी सम्हाल्ने जनाएको छ ।
मुस्लिन गएको वर्षको मेमा सर्बियाको प्रशिक्षकको रुपमा नियुक्त भएका थिए । यो अवधिमा भएका १० खेलमा एक खेलमा मात्रै सर्बिया पराजित भएको थियो ।