मलेसियामा जारि एसीसी यु–१९ एसिया कप क्रिकेट प्रतियोगिताको समूह चरणको अन्तिम खेलमा नेपाल बिजयी भएको छ । नेपालले आयोजक मलेशियालाई ८ विकेटले पराजित गरेको हो ।
४६ रनको झिनो लक्ष्य लिएर मैदान उत्रेको नेपालले २ विकेटको क्षतिमा ५.३ ओभरमा लक्ष्य भेट्टायो । नेपालका लागि अनिल कुमार शाहले सर्बाधिक २६ रन, कप्तान दिपेन्द्र सिंह ऐरीले ३ बलमा १२ रन, आशिफ शेखले ४ रन, तथा भिम सार्कीले ३ रन जोडे ।
यस अघि टस हारेर पहिले ब्याटिंग गरेको आयोजक मलेशिया १५.३ ओभर मै ४५ रन जोड्दा अल आउट भयो । मलेसियालाई सास्तीमा समेट्ने क्रममा नेपालका लागि सन्दिप लामिछानेले सर्बाधिक ५ साहव आलम र दिपेन्द्र सिंह ऐरीले समान २-२ तथा अनिल कुमार शाहले १ विकेट लिए । मलेशियाका २ खेलाडी बाहेक अन्यले दोहोरो अंकको रन बटुल्न सकेनन ।
बर्षाको कारण प्रभावित खेललाई २४ ओभरमा झारिएको थियो । समूहको विजेता र उपविजेताले सेमिफाइनलमा स्थान बनाउनेछन् ।
जित संगै नेपालले आफ्नो सेमिफाइनल सभ्भावाना बलियो बनाएको छ । अहिले भारतले पनि आफ्नो अन्तिम खेलमा बंगलादेशसंग प्रतिस्पर्धा गरिरहेको छ । उक्त खेलमा भारत पराजित भए नेपाल र बंगलादेश सेमिफाइनलमा प्रवेश गर्ने छन् । उक्त खेलमा भारत बिजयी भए भारत ,बंगलादेश र नेपाल सबैको ४ अंक हुनेछ र रन रेटको आधारमा उत्कृष्ट २ टोली सेमिफाइनलमा पुग्ने छन् ।
भारतले बंगलादेशलाई १८८ रनको लक्ष्य दिएको छ । उक्त खेल जारी छ ।