मलेशियामा भएको एसीसी यु १९ एसिया कपको उपाधि अफगानिस्तानले जितेको छ । आज भएको फाइनल खेलमा अफगानिस्तानले पाकिस्तानलाई १८५ रनको भारी अन्तरले पराजित गर्दै उपाधि चुमेको हो ।
पहिले ब्याटिंग गरेको अफगानिस्तानले निर्धारित ५० ओभरमा ७ विकेटको क्षतिमा २४८ रन जोड्यो । अफगानिस्तानको लागि इक्रम अली खिलले सर्बाधिक नट आउट १०७ रन जोडे ।
२४९ रनको बिजयी लक्ष्य लिएर मैदान उत्रेको पाकिस्तान २२.१ ओभरमै अल आउट हुदै ६३ रन मात्र जोड्न सक्यो । पाकिस्तानका मोहम्मद ताहाले १९ तथा हसन खानले १० रन बनाउनु बाहेक अन्य ब्याट्सम्यानले दोहोरो अंकको रन स्कोर गर्न सकेनन । पाकिस्तानलाई सस्तैमा समेट्ने क्रममा मुजिर उर रहमानलेसर्बधिक ५ विकेट लिए ।