फाइल फोटो
डिभिजन दुईको तयारीको लागि युएईमा रहेको नेपाली टोलीले आज दोस्रो अभ्यास खेलिरहेको छ ।
आजको खेलमा नेपालले उत्कृष्ट प्रदर्शन गर्दै युएई ए लाई जितको लागि ३ सय ३४ रन्को बिशाल लक्ष्य दिएको छ । आजको खेलमा नेपालका ओपनर ज्ञानेन्द्र मल्लले १५४ रन जोडे । १३१ बल खेलेका उनले १७ चौकाको मद्दतमा उक्त स्कोर बनाएका हुन् । त्यस्तै दिलिप नाथले ६४ रन जोडे । ७९ बलको सामना गरेका उनी रन आउट भएका थिए ।
त्यस्तै अनिल शाहले १४, दिपेन्द्र ऐरीले ३४, आरिफ शेखले ४१ रन, तथा करण केसीले ५ रन बनाए । नेपालले २१ अतिरिक्त रन पाएको थियो ।
यस अघि नेपालले हिजोको खेल २५ रनले जितेको थियो। नेपालले त्यहाँ ३ अभ्यास खेल्ने तालिका छ ।