विश्वकप क्रिकेट छनौट अन्तर्गत हङकङसँगको खेलमा टस हारेर फिल्डिङको निम्तो पाएको नेपालले १ सय ५४ रनको लक्ष्य पाएको छ । टस जितेर ब्याटिङ रोजेको हङकङले ४८.२ ओभरमा अल आउट हुँदै १ सय ५३ रन बनाउन सक्यो ।
नेपालका लागि सन्दिप लामिछानेले ३, करण केसी र बसन्त रेग्मीले समान २÷२ तथा सोमपाल कामी र ललित राजवंशीले एक एक विकेट लिए । हङकङका सिमान्दीप सिंहलाई भने ज्ञानेन्द्र मल्लले रन आउट गरेका थिए ।
यस अघिका आफ्नै तीनै खेल गुमाएको नेपाललाई आजको खेल जित्नैपर्ने दवाव छ ।
नेपालको सुपर सिक्सको आशा समाप्त भए पनि एक दिबशीय मान्यता पाउने सम्भावना कायम नै छ । त्यसको लागि नेपालले यो खेल ४५ ओभर अगावै जित्नु पर्ने छ र प्लेफका खेलहरु जित्नु पर्ने छ ।