अखिल नेपाल फुटबल संघ एन्फाले एएफसी एसियन कप फुटबल छनौट प्रतियोगिता अन्तरगत यमनसँगको खेलको लागि २० सदस्यीय अन्तिम टिमको घोषणा गरेको छ । एन्फाले आउँदो मंगलबार कतारमा हुने खेलको लागि ३ गोलकिपर सहित २० सदस्यीय अन्तिम टिमको घोषणा गरेको हो ।
छनौट गरिएको टिममा गोलकिपरहरुमा किरण चेम्जोङ, विकेश कुथु र एलन न्यौपाने रहेका छन् । यस्तै डिफेन्डरमा विराज महर्जन, रेजिन धिमाल, देवेन्द्र तामाङ, आदित्य चौधरी, अनन्त तामाङ र दिनेश राजवंशी रहेका छन् । मिडफिल्डमा विशाल राइ, रोहित चन्द, हेमन गुरुङ, हेमन्त थापामगर, सुजल श्रेष्ठ, सुनिल वल र अञ्जन विष्ट रहेका छन् ।
नेपालीको टोलीको फरवार्ड भने विमल घर्तीमगर, नवयुग श्रेष्ठ, जर्ज प्रिन्स कार्की र सुमन लामाले सम्हाल्ने छन् ।नेपाली टोलीको मुख्य प्रशिक्षकमा ग्योतोकु कोजी, प्रशिक्षकमा राजुकाजी श्रेष्ठ तथा गोलकिपिङ प्रशिक्षकमा उज्जवल मानन्धर रहेका छन् ।
फिलिपिन्स, यमन र ताजकिस्तानसहित समूह एफमा रहेको नेपाल २ अंकसहित तालिकाको पुछारमा छ । नेपाल भने प्रतियोगिताबाट बाहिरिसकेको छ ।