पन्चकन्या तेजले जारी एभरेष्ट प्रिमियर लिग टि २० क्रिकेट प्रतियोगितामा लगातार चौथो जित हात पारेको छ । आज खेलमा पन्चकन्याले सगरमाथा लेजेण्डसलाई ४९ रनको भारी अन्तरले पराजित गर्यो । टस जितेर ब्याटिंग गरेको पन्चकन्याले निर्धारित २० ओभरमा १८५ रन बनायो । पन्चकन्याको लागि कारण केसीले अर्धशतकीय पारी खेल्दै ५२ रन जोडे, उनी म्यान अफ द म्याच पनि घोषित भए । त्यस्तै कप्तान शरद भेषवाकरले ३०, पृथु बास्कोटाले नट आउट ३८, कुशल भुर्तेलले २२ , सोनु तामांगले १७, दिपेन्द्र सिंह ऐरीले ११ रन जोडे ।
सगरमाथाका तर्फबाट बिक्रम सोबले सर्बाधिक २ विकेट लिए ।
१८६ रनको बिशाल लक्ष्य लिएर मैदान उत्रेको सगरमाथा लेजेण्डसले कमजोर प्रदर्शन गर्दै १७.४ ओभर मै सबै विकेट गुमाउदै १३६ रन मात्र जोड्न सक्यो । सगरमाथाका लागि सुनिल धमलाले १८, दिलिप नाथले १४, मोहमद आलमले २३ तथा चन्द्र साउद र राहुल बिश्वकर्माले समान २२ रन जोडे। यो संगै सुनिल धमलाको प्रतियोगिताको कुल रण १७२ पुगेको छ । जुन अहिले सम्म कै बढी रन हो ।
कप्तान बिनोद भण्डारी १ रन मै आउट भए भने अनिल मण्डल डक आउट भए ।
जित संगै पन्चकन्याले ८ अंक सहित शिर्ष स्थनमा आफ्नो पकड बलियो बनाएको छ । यस संगै फाइनल खेल्ने सम्भावना बलियो भएको छ । तालिकामा शिर्ष २ स्थान रहने टोलीले फाइनल खेल्ने छन् । राम्रो रन रेट भएकाले पन्चकन्याले आफ्नो अन्तिम खेलमा भारी अन्तरको पराजय बेहोरे मात्र फाइनल खेल्न बाट बन्चित हुन् सक्छ ।
उता लगातार चौथो हार बेहोरेको सगरमाथा भने उपाधि होडबाट बाहिरिसकेको छ । जारी प्रतियोगितामा सगरमाथा २० ओभर अगावै अल आउट हुने पहिलो टोली पनि बनेको छ ।
सगरमाथासंगै आफ्नो सबै खेल खेलिसकेको कान्तिपुर गोर्खाज पनि बाहिरिसकेको छ । २ खेल खेल्न बाँकी रहेको जगदम्बा राइनोस पनि उपाधि होडबाट बाहिरिसकेको छ । उसको अहिले २ अंक मात्र छ । उसले फाइनल पुग्नको लागि बाँकी रहेका दुवै खेल जित्नु पर्ने हुन्छ र अन्य टिमको नतिजामा भर पर्नु पर्ने हुन्छ ।
अब पन्चकन्या तेज, बिशाल ओरियार्स र कलर्स एक्स फ्याक्टर मध्ये २ ले फाइनल खेल्ने लगभग निश्चित जस्तै छ । पन्चकन्या तेजले एक खेल मात्र खेल्न बाँकि छ भने बिशाल ओरियार्स र कलर्स एक्स फ्याक्टरले २-२ खेल खेल्न बाँकी छ ।
यो पनि :
प्रधानमन्त्रीको २४ छलाङ्, दिनदिनै आलोचनाको इस्यु, मष्ट वान्टेडसंग ह्याण्डसेकदेखि भ्रष्टाचार ढाकछोपसम्म
