युरोपा लिग फुटबलको उपाधि स्पेनिस क्लब एथ्लेटिको मड्रिडले जितेको छ । बुधबार अवेर राति सम्पन्न खेलमा फ्रान्सको लिग वान क्लब मार्सेलीलाई ३-० ले पराजित गर्दै एथ्लेटिकोले उपाधि जितेको हो । एथ्लेटिकोलाई उपाधि जिताउने क्रममा एन्टोनी ग्रिजम्यानले दुई तथा कप्तान गाबीले एक गोल गरे । ग्रिजम्यानले २१ औ , ४९ औँ मिनेटमा तथा कप्तान गाबीले ८९ औँ मिनेटमा गोल गर्दै उपाधि पक्का गरेका हुन् ।
एथ्लेटिको मड्रिडले यसअघि सन् २०१० र २०१२ मा पनि युरोपा लिगको उपाधि जितेको थियो ।
फ्रान्सको कुनैपनि क्लबले अहिलेसम्म युरोपियन च्याम्पियन्स लिग र युरोपा लिगको उपाधि जितेका छैनन् ।