इन्डियन प्रिमियर लिग आईपीएलको प्ले अफका खेल बाँकि रहेपनि नेपालबाट पहिलो पटक आईपीएलमा सहभागिता जनाएर इतिहास रचेका सन्दिप लामिछानेको यस पटकको यात्रा भने टुंगिएको छ । सन्दिप सहभागी टिम दिल्ली डेयरडेभिल्स अंक तालिकाको पुछारमा रहदै प्ले अफमा स्थान बनाउन नसकेपछि सन्दिपको पनि यात्रा टुंगिएको हो ।
सुरुवाती खेलमा बेन्चमा रहेका सन्दिपले दिल्ली प्ले अफमा नपुग्ने पक्का भएपछिका ३ खेलमा खेल्ने मौका पाए । उनले आफुले पाएको अवसरको सदुपयोग गर्दै आफ्नो छाप छोडे । उनले खेलेको ३ मध्ये २ खेले जिते । सन्दिपले विराट कोहलीको कप्तानीमा रहेको आरसीबि, महेन्द्र सिंह धोनीको कप्तानीमा रहेको चेन्नई र रोहित शर्माको कप्तानीमा रहेको मुम्बईसंग खेल्ने अवसर पाएका थिए । जस मध्ये दिल्लीले चेन्नई र मुम्बई बिरुद्दको खेल जित्यो । जितमा सन्दिपको भूमिका महत्वपूर्ण थियो ।
सन्दिपले आरसीबिसंगको खेलमा ४ ओभरमा २५ रन खर्चेर १ विकेट लिए । यस खेलमा सन्दिपको इकोनोमी ६.२५ थियो भने बाँकि सबैको इकोनोमी ८ भन्दा माथि थियो । त्यस्तै सन्दिपले यस खेलमा सर्बाधिक १० डट बल दिएका थिए ।
सन्दिपले चेन्नईसंगको खेलमा ४ ओभरमा २१ रन खर्चेर १ विकेट लिए । यस खेलमा सन्दिपको इकोनोमी ५.२५ थियो । त्यस्तै सन्दिपले यस खेलमा पनि १० डट बल दिएका थिए । यस खेलमा सन्दिपले स्टाइलिस् प्लेयरको अवार्ड समेत पाए ।
सन्दिपले मुम्बईसंगको खेलमा ४ ओभरमा ३६ रन खर्चेर ३ विकेट लिए । त्यस्तै सन्दिपले यस खेलमा पनि १० डट बल दिएका थिए । यस खेलमा पराजित हुदै मुम्बई आईपीएलबाट नै बाहिरिएको थियो ।
भिडियोमा हेर्नुस सन्दिपले लिएका विकेटहरु :
