विश्वकप २०१८ को छनौट अन्तर्गतको खेलमा जर्मनीले चेक गणतन्त्रलाई पराजित गरेको छ। गए राति भएको खेलमा जर्मनीले चेक गणतन्त्रलाई ३-० ले पराजित गर्दै ३ अंक बटुलेको छ।
खेलको १३ औ मिनेटमा मुलरले गोल गर्दै टिमलाई अग्रता दिलाए। पहिलो हाफमा १-० ले अघि रहेको जर्मनीको लागि क्रसले ४९ औ मिनेटमा दोस्रो गोल गरे। त्यस्तै खेलको ६५ औ मिनेटमा मुलरले व्यक्तिगत दोस्रो गोल गरे।
समूह सी मा रहेको जर्मनीले दुई खेलबाट ६ अंक बटुल्दै समूहमा शिर्ष स्थानमा छ। यता चेक गणतन्त्र १ अंक सहित चौथो स्थानमा छ। समूह सी अन्तर्गत नै राति भएको खेलमा नर्वे अजरबैजानसँग १–० पराजित भयो । अर्को खेलमा नर्दन आयरल्याण्डले सान मारिनोलाई ४–० ले हरायो । लगातार दुई खेल जितको अजरबैजान ६ अंकसहित दोस्रो स्थानमा छ ।