क्रिकेटको घर भनिने ऐतिहासिक लर्ड्स मैदानमा अहिले नेपालले नेदरल्याण्डस संग अन्तराष्ट्रिय टि २० खेलमा प्रतिस्पर्धा गरिरहेको छ । मैत्रीपूर्ण भए पनि नेपाल र नेदरल्याण्ड्सबीचको खेललाई आईसीसीले अन्तर्राष्ट्रिय ट्वेण्टी ट्वेण्टीको मान्यता दिएको छ ।
यस अगाडी नेपालले एमसीसीलाई ९ विकेटले पराजित गरेको थियो । नेपालले पाएको ४१ रन्को लक्ष्य नेपालले ४.४ ओभरमा १ विकेटको क्षतिमा भेट्टायो । नेपालको लागि सुबाश खकुरेलले १६ तथा ज्ञानेन्द्र मल्लले १२ रन जोडे भने अनिल शाहले ९ रन जोडे । खेल बर्षाको कारण ६ ओभरमा झारिएको थियो ।
खेलको लागि नेपाली टोली एक साता अगाडी नै इंग्ल्याण्ड पुगेको छ । नेपालले त्यहाँ ३ अभ्यास खेल खेलेकोमा २ मा जित र एकमा हार बेहोरेको थियो । त्रिकोणात्मक शृँखलापछि नेपाली टोली नेदरल्याण्ड्स प्रस्थान गर्नेछ । जहाँ नेपालले बुधबार आफ्नो पहिलो एक दिबशीय खेल खेल्ने छ।
हेर्नुस लाइभ ।
