युरोपियन फुटबलको सर्वोच्च निकाय युएफाले यस बर्षको अवार्डसको घोषणा गरेको छ । बिहिबार राती मोनाकोमा भएको समारोहमा यूएफाले यी उपाधि घोषणा गरेको हो ।
जस अनुसार यस बर्षको उत्कृष्ट फुटबलरको उपाधि लुका मोड्रीचले जितेका छन् । उनले रोनाल्डो र मोहम्मद सलाहलाई पछाडी पार्दै यो अवार्ड जितेका हुन् ।
त्यस्तै उत्कृष्ट फरवार्डको उपाधि रोनाल्डोले जितेका छन् । रोनाल्डोले लिओनल मेसी र मोहम्मद सलाहलाई पछि पार्दै उपाधि जितेका हुन् ।
यस बर्षको उत्कृष्ट मिडफिल्डरको उपाधि लुका मोड्रीचले जितेका छन् । उनले म्यानचेस्टर सिटीका केभिन डे ब्रुयन र रियल म्याड्रिडका टोनी क्रुसलाई पछाडी पार्दै उपाधि जितेका हुन् ।
त्यस्तै यस बर्षको उत्कृष्ट डिफेन्डरको उपाधि सर्जियो रामोसले जितेका छन् । उनले मार्सेलो र राफायल भारानेलाई पछि पर्दै उपाधि जितेका हुन् । यी सबै खेलाडी रियल म्याड्रिडका हुन् ।
बर्षको उत्कृष्ट गोलकिपरको उपाधि रियल म्याड्रिडका केलर नभासले जितेका छन् । उनले उनले युभेन्टसका बुफान (हाल पीएसजी) र रोमाका एलिसन बेकर (हाल लिभरपुल) लाई पछाडी पार्दै उपाधि जितेका हुन् ।
आज नै युएफाले आगामी सिजनको च्याम्पियन्स लिगको ड्र सार्बजनिक गरेको छ ।
यस्तो छ यस बर्षको ड्र ।