एशिया कप छनोटअन्तर्गत आज भएको चौथो खेलमा नेपालले सिङ्गापुरलाई चार विकेटले पराजित गरेको छ । जितका लागि पाएको १५२ रनको लक्ष्य नेपालले २८ दशमलव १ ओभरमा ६ विकेट गुमाएर पुरा ग¥यो । नेपालका लागि अनिलकुमार साहले ४३, दीपेन्द्रसिंह ऐरीले ३३, ज्ञानेन्द्र मल्लले २९, सुवाश खकुरेल र सागर पुनले १४÷१४ तथा कप्तान पारस खड्काले ११ रन बनाए ।
मलेशियाको राजधानी क्वालालम्पुरमा टस जितेर ब्याटिङ गर्दै सिङ्गापुरले ४२ ओभरमा सबै विकेट गुमाएर १५१ रन बनाएको थियो । सिङ्गापुरका लागि चेतन रामचन्द्र सूर्यबंशीले ६० रन, अनिश पारामले ३१ तथा कार्तिकेयन सुब्रमन्नियमले २० रन बनाए । बलिङतर्फ नेपालका सन्दीप लामिछाने र ललित नारायण राजवंशीले तीन÷तीन, सोमपाल कामीले दुई तथा वसन्त रेग्मीले एक विकेट लिए । नेपालले शनिबार मलेसियालाई १९ रनले पराजित गरेको थियो ।
जितसंगै नेपालको फाइनल पुग्ने सम्भावना कायमै छ । सबै टोलीले १-१ खेल खेल्न बाँकि छ । प्रतियोगितामा सहभागी ६ मध्ये ४ टोलीको फाइनल पुग्ने र एसियाकप खेल्ने सम्भावना कायमै छ । मलेशिया र सिंगापुर प्रतियोगिताबाट बाहिरीसकेका छन् । यी दुई मंगलबार पनि एक आपस भिड्ने छन् । जुन खेल प्रतिष्ठाको लागि मात्र हुनेछ ।
प्रतियोगितामा ओमान, युएई , हंगकंग र नेपालको सम्भावना कायम नै छ । हाल ओमान ७ अंक सहित शिर्ष स्थानमा, युएई ६ अंक सहित दोस्रो स्थानमा, हंगकंग ५ अंक सहित तेस्रो स्थानमा र नेपाल ४ अंक सहित चौथो स्थानमा रहेको छ ।
मंगलबार हुने ओमान र युएईबीचको खेल तथा नेपाल र हंगकंगबीच हुने खेलले शिर्ष २ स्थानमा पुग्ने टोलीको टुंगो लाग्ने छ ।
नेपालको शिर्ष स्थानमा पुग्ने सम्भावना सकिएको भएपनि नेपाल समुह उपविजेता बन्दै फाइनल पुग्न सक्छ । त्यसको लागि मंगलबार हुने खेलमा ओमानले युएईलाई पराजित गर्नु पर्ने हुन्छ भने नेपालले हंगकंगलाई पराजित गर्नु पर्ने हुन्छ । यो भएमा ओमानको ९ अंक तथा नेपाल र युएईको समान ६-६ अंक हुनेछ । यस्तो अवस्थामा नेपाल र युएइ मध्ये जसको रनरेट राम्रो छ , त्यहि टोली फाइनलमा पुगेछ । हाल नेपालको भन्दा युएईको रनरेट राम्रो छ । सोहि कारण नेपालले हंगकंगलाई फराकिलो अन्तरले पराजित गरेमा र ओमानले युएईलाई पनि फराकिलो अन्तरले पराजित गरेमा नेपालको सम्भावना रहन्छ ।
सो खेल युएई जितेको खण्डमा नेपाल बाहिरिने छ ।
