बिश्वकपमा समुह चरणबाट नै बाहिरिएको जर्मनीसँग बिश्व बिजेता फ्रान्स स्तब्ध बनेको छ । युईएफए नेशन्स लिगको पहिलो खेलमा जर्मनीसँग फ्रान्स बराबरीमा नै रोकिएको हो ।
खेलमा ६० प्रतिशत बल पोसेसन कायम गरेको जर्मनीले विश्व च्याम्पियन फ्रान्स विरुद्ध आक्रामक फुटबल खेलेको हो । पहिलो हाफमा फ्रान्सले गोल गर्ने निकै राम्रा २ अवसर गुमाएको थियो । दोस्रो हाफमा जर्मनीले खेललाई नियन्त्रणमा राखेको थियो । जर्मनीले पनि दोस्रो हाफमा गोल गर्ने २ राम्रा अवसरलाई सदुपयोग गर्न सकेन ।
विश्वकपको समूह चरणबाट नै बाहिरीएपछि जर्मनीको टिममा धेरै खेलाडी परिवर्तन गरिएको थियो । अब फ्रान्सले आइतबार नेदरल्याण्ड्ससँग खेल्नेछ ।
अब फ्रान्स र जर्मनी दुवै टोलीले नेदरल्याण्डसँग खेल्ने छन् ।