क्रोएसियाका फुटबलर लुका मोड्रिच सन् २०१८ को फिफा वर्ष खेलाडी घोषित भएका छन् । लण्डनमा भएको वर्ष खेलाडी घोषणा कार्यक्रममा मोड्रिचले पोर्चुगलका क्रिस्टियानो रोनाल्डो र इजिप्टका मोहम्मद सलाहलाई पछि पार्दै उपाधि उचाल्न सफल भएका हुन् ।
मोड्रिचले फिफा वर्ष खेलाडीको उपाधि जितेसँगै रोनाल्डो र लियोनेल मेसीको साम्राज्य तोडिएको छ ।
मोड्रिचको कप्तानीमा क्रोएसियाले रसियामासम्पन्न विश्वकप फुटबलमा फाइनलसम्मको यात्रा तय गरेको थियो । फाइनलमा फ्रान्ससँग पराजित भएको थियो । मोड्रिचले रसिया विश्वकपका सर्वोत्कृष्ट खेलाडी हुँदै गोल्डेन बल पनि जितेका थिए ।
मोड्रिच स्पेनिस क्लब रियल मड्रिडका खेलाडी खेल्दै आएका हुन् । मोड्रिचकै पालामा रियलले यो वर्षसहित लगातार तीन पटक युरोपेली च्याम्पियन्स लिगको उपाधि उचालिसकेको छ ।