एशिया कपका लागि छनौट हुन् सफल महिला क्रिकेट टोलीका सदस्यहरुलाई सरकारले पुरस्कार स्वरुप जनही २५ हजार रुपैयाँ दिने भएको छ । युवा तथा खेलकुद मन्त्री दलजित श्रीपालीले आज बिजेता टोलीलाई मन्त्रालयमा स्वागत गर्दै जनही २५ हजार रुपैयाँ दिने घोषणा गरेका हुन् ।
हङकङमा भएको महिला विश्वकप एशियाली छनौटमा नेपाल उपविजेता भन्दै एसिया कपमा स्थान पक्का गरेको थियो । नेपालले पहिलो दुई खेल हारे पनि त्यसपछि ४ मध्येको तीन खेल जित्दै छनौट हुन् सफल भएको हो।
थाईल्याण्डमा हुने एसिया कपमा नेपालले भारत, श्रीलंका, पाकिस्तान, बंगलादेश र आयोजक थाईल्याण्डसंग प्रतिस्पर्धा गर्ने छ । प्रतियोगिता २७ नोभेम्बर देखि सुरु हुने छ ।
