यूएफा च्याम्पियन्स लिगमा आज ८ खेल हुदै छन् । आज हुने खेल मध्ये स्पेनिस महारथी बार्सिलोना र म्यानचेस्टर सिटीबिचको निकै रोमान्चक हुने अनुमान गरिएको छ । खेल नेपाली समय अनुसार राती १२ : ३० बजे बार्सिलोनाको घरेलु मैदानमा हुने छ ।
यस्ता छन् आज हुने अन्य खेल हरु ।
यसअघि गएराती भएका खेलहरुमा लेस्टर सिटी, रियल मड्रिड, बोरुसिया डर्टमण्ड, युभेन्टस, सेभिया तथा एफसी पोर्टो बिजयी भए। लेस्टर सिटीले डेनमार्कको एफसी कोपनहेगनलाई १-० ले पराजित गरेको हो।
त्यस्तै रियल मड्रिडले पोल्याण्डको लेजिया वार्सलाई ५-१ ले पराजित गर्यो भने बोरुसिया डर्टमण्डले पोर्चुगलको स्पोर्टिङलाई २-१ ले हरायो । अर्को खेलमा ईटालीको युभेन्टसले फ्रान्सको ओलम्पिक लियोंलाई १-० ले पख लगायो भने स्पेनको सेभियाले क्रोएसियाको डाईनामो जाग्रेबलाई १-० ले पराजित गर्यो । त्यस्तै पोर्चुगलको एफसी पोर्टोले बेल्जियमको क्लब ब्रुजलाई २-१ ले पराजित गर्यो ।
टोटनह्याम हट्सपरले भने जर्मनीको बायर लिभरकुजेनसँग गोलरहित बराबरी तथा रुसको सि.एस.के.ए मस्को र फ्रान्सको मोनाकोले १-१ गोलको बराबरी खेले ।