ला लिगा अन्तर्गत अहिले बार्सिलोना र रियल म्याड्रिड भिडिरहेका छन् । बार्सिलोनाको घरेलु मैदानमा नाउ क्याम्पमा भईरहेको खेलमा बार्सिलोनाले पहिलो हाफको समाप्तिमा २-० गोलको अग्रता लिएको छ ।
बार्सिलोनाको लागि कुटिनो र स्वारेजले गोल गरेका हुन् ।
रोचक के छ भने २००७ डिसेम्बरपछि पहिलो पटक क्रिष्टियानो रोनाल्डो र लियोनल मेसीबिना ‘एल क्लासिको’ भईरहेको छ । रोनाल्डो क्लब छोडेर युभेन्टससँग आवद्द भएका छन् भने हात भाँचिएकाले मेस्सी मैदान बाहिर छन् ।
खराब अवस्थाबाट गुज्रिरहेको रियल हाल अंक तालिकाको ८ औ स्थानमा छ। बार्सिलोना भने दोस्रो स्थानमा छ । तर यी दुईबीच भने केवल ४ अंकको अन्तर छ । सोहि कारण दुवै टोली आज महत्वपूर्ण जितको खोजीमा हुने छन् ।टोलीले कमजोर प्रदर्शन गरेपाचो रियलका प्रशिक्षक लोप्तेगुइको जागिर धरापमा रहेको समाचार बाहिर आइरहेका छन् । क्लबलाई मात्र नभई प्रशिक्षक लोप्तेगुइलाई पनि आजको खेल महत्वपूर्ण छ ।
हालसम्म भएका २७१ एल क्लासिको मध्ये रियलले ९९ र बार्सिलोनाले ११२ खेल खेल जितेका छन् । ६० खेल भने बराबरी भएका थिए । ला लिगामा भने रियलले बार्सिलोना भन्दा २ खेल बढी जितेको छ ।
यी दुई टोली अन्तिम पटक गत मे महिनामा आमने सामने भएका थिए । जुन खेल २-२ को बराबरीमा टुंगिएको थियो । त्यस खेलमा रियलको तर्फबाट रोनाल्डो र ग्यारेथ बेल तथा बार्सिलोनाको तर्फबाट मेस्सी र स्वारेजले गोल गरेका थिए ।