विश्वको वर्ष उत्कृष्ट फुटबल खेलाडीलाई प्रदान गरिने बालोन डी’ओर २०१६ को लागि ३० जना खेलाडी सम्मिलित प्रारम्भिक मनोनयन सार्बजनिक भएको छ ।
फ्रेन्च फुटबलले सन् १९५६ देखि हरेक वर्ष विश्वको उत्कृष्ट खेलाडीलाई अवार्ड दिँदै आएको छ । फ्रेन्च फुटबलले सन् २००८ देखि गएको वर्षसम्म भने फिफासँगको सहकार्यमा फिफा बालोन डी’ओर अवार्ड प्रदान गर्ने गरेको थियो । तर विश्व फुटबलको प्रशासकिय निकाय फिफासँगको सहकार्य टुटेपछि बालोन डि’ओर अवार्ड हुन् लागेको हो । अवार्डको सम्पूर्ण जिम्मा फ्रान्सेली फुटबलले पाएको छ ।
फ्रान्सेली फुटबल म्यागजिनले अवार्डको लागि ६ चरणमा गरी ३० खेलाडीको नाम सार्बजनिक गरेको हो । यस पटक युरोपका खेल पत्रकारहरुले मात्र भोट गरेर बिजेता चुन्ने छन् । फिफाको संलग्नतामा टिममा प्रशिक्षक र कप्तानले पनि भोट गर्ने गरेका थिए । अवार्ड आउँदो जनवरीमा दिइने छ ।
अर्जेन्टिना र फ्रान्सबाट सबैभन्दा बढी समान ४-४ खेलाडी मनोनयनमा परेका छन् भने स्पेन, पोर्चुगल र जर्मनीबाट समान ३ खेलाडी रहेका छन्। त्यस्तै उरुग्वेबाट २ खेलाडी र अल्जेरिया, बेल्जियम, ब्राजिल, चिली, क्रोएसिया, इंगल्याण्ड, गाबोन, इटली, पोल्याण्ड, स्वीडेन र वेल्सबाट समान १ खेलाडी परेका छन्।
मनोनित भएका ३० खेलाडी मध्ये ४ जना गोलकिपर छन् । उनीहरु जियानलुजी बफोन, मानुएल नोए, रुई प्याट्रिसियो र ह्युगो लोरिस हुन्।
हेर्नुस मनोनयनमा पर्ने को को हुन्
को को परे मनोनयनमा ?
- १) सर्जियो अग्युरोः म्यानचेस्टर सिटी
- २) पिएर एमरिकः बारुसिया डर्टमुण्ड
- ३) ग्यारेथ बेलः रियल मड्रिड
- ४) जियानलुइजी बुफोनः युभेन्टस
- ५) क्रिष्टियानो रोनाल्डोः रियल मड्रिड
- ६) केभिन डि ब्राउनः म्यानचेस्टर सिटी
- ७) पाउलो डिबालाः युभेन्टस
- ८) डिएगो गोडिनः एथ्लेटिको मड्रिड
- ९) एन्टोनी ग्रिजम्यानः एथ्लेटिको मड्रिड
- १०) गोन्जालो हेगुइनः युभेन्टस
- ११) जाल्टन इब्राहिमोविचः म्यानचेस्टर युनाइटेड
- १२) आन्द्रेस इनिएस्टाः बार्सिलोना
- १३) कोकेः एथ्लेटिको मड्रिड
- १४) टोनी क्रसः रियल मड्रिड
- १५) रोबर्ट लेवान्डोस्कीः बार्यन म्युनिख
- १६) ह्युगो लोरिसः टोटनह्याम
- १७) रियाद महरेजः लिसेस्टर सिटी
- १८) लियोनल मेस्सीः बार्सिलोना
- १९) लुका मोड्रिकः रियल मड्रिड
- २०) थोमस मुलरः बार्यन म्युनिख
- २१) म्यानुएल नुएरः बार्यन म्युनिख
- २२) नेइमारः बार्सिलोना
- २३) दिमित्री पेयटः वेष्ट ह्याम
- २४) पेपेः रियल मड्रिड
- २५) पउल पोग्बाः म्यानचेस्टर युनाइटेड
- २६) रुइ प्याट्रिसिओः स्पोर्टिङ लिस्बोन
- २७) सर्जियो रामोसः रियल मड्रिड
- २८) लुइस स्वारेजः बार्सिलोना
- २९) जेमी भर्डीः लिसेस्टर सिटी
- ३०) अटुरो भिडालः बार्यन म्युनिख