नेपालले युनाइटेड अरब इमिरेट्स (यूएई)विरुद्धको दोस्रो एकदिवसीय अन्तर्राष्ट्रिय क्रिकेटमा शानदार जित हात पारेको छ। रोहितकुमार पौडेलको कीर्तिमानी अर्धशक तथा सोमपाल कामीको ५ विकेटको सहायताले दोस्रो खेलमा नेपालले जित निकाल्न सफल भएको हो।
नेपालले युएलाई १४५ फराकिलो रन अन्तरले पराजित गरेको हो। टस जितेर ब्याटिङ गरेको नेपालले २ सय ४२ रन बनाएको थियो । सोमपालले ५ तथा सन्दीप लामिछानेले ४ विकेट लिएपछि घरेलु यूएईले १९.३ ओभरमा ९७ रन जोड्दा सबै विकेट गुमायो । सबैभन्दा सानो उमेरमा एकदिवसीय अर्धशतक पूरा गर्ने खेलाडीको रुपमा इतिहास रचेका रोहितकुमारले ५५ रन बनाए।
१९.३ ओभरमा सोमपालले जहूर खानलाई सन्दीपमार्फत क्याच गराउँदै नेपाललाई सहज विजय दिलाए । यससँगै सोमपाल एकदिवसीय अन्तर्राष्ट्रिय क्रिकेटमा ५ विकेट लिने पहिलो नेपाली खेलाडी बन्न पुगेका छन् ।
जारि प्रतियोगितामा कमजोर ब्याटिङका कारण नेपालले पहिलो एकदिवसीय अन्तर्राष्ट्रियमा युएईसंग पराजित भएको थियो। तर आजको जितसँगै नेपालले तीन खेलको एकदिवसीय अन्तर्राष्ट्रिय शृखलामा १–१ को बराबरी गरेको छ । नेपालले युएई भ्रमणमा ३ एकदिवसीय अन्तर्राष्ट्रिय र ३ ट्वान्टी–२० अन्तर्राष्ट्रिय शृंखला खेल्नेछ।
