नेपालले आज युएईसंगको तेस्रो तथा अन्तिम एक दिबशीय खेल खेल्दै छ । शृंखला १-१ को बराबरीको अवस्थामा आजको खेल दुवै टोलीको लागि गर या मरको अवस्थामा पुगेको छ । ४ वर्षका लागि एकदिवसीय क्रिकेटको मान्यता पाएको नेपाल पहिलो शृंखला जित्ने लक्ष्यमा रहेको छ ।
नेपालले पहिलो खेलमा ३ विकेटको हार बेहोरेको थियो । तर नेपालले दोस्रो खेलमा १४५ फराकिलो जित निकालेको थियो । रोहितकुमार पौडेलको कीर्तिमानी अर्धशक तथा सोमपाल कामीको ५ विकेटको सहायताले दोस्रो खेलमा नेपालले शानदार जित निकाल्न सफल भएको हो। खेल नेपाली समय अनुसार बिहान ११ : १५ बजे दुबईको आईसीसी क्रिकेट एकेडेमीमा सुरु हुनेछ ।
एक दिबशीयपछि नेपालले माघ १७, १८ र २० मा टी–२० सिरिज खेल्नेछ । नेपालले एउटै देशसँग एक दिवसीय र टी २० अन्तर्राष्ट्रिय सिरिज खेल्न लागेको यो पहिलो पटक हो ।
