युएई बिरुद्द नेपालले ऐतिहासिक सफलता हात पारेको छ। युएईलाई ४ विकेटले पराजित गर्दै नेपालले पहिलो पटक एक दिबशीय अन्तराष्ट्रिय खेलको शृंखला २-१ ले जितेको हो । पहिलो खेलमा पराजित भएको नेपालले दोस्रो तथा तेस्रो खेलमा जित निकाल्दै शृंखला जितेको हो ।
आज भएको तेस्रो तथा अन्तिम एक दिबशीयमा युएईले नेपाललाई जितको लागि २५५ रनको लक्ष्य दिएको थियो । उक्त लक्ष्य नेपालले ६ विकेटको क्षतिमा ४४.४ ओभरमा भेट्टायो ।
नेपालको लागि कप्तान पारस खड्काले शतकीय पारि खेल्दै सर्बाधिक ११५ रन बनाए । उनले १०९ बल खेल्दै १५ चौका र १ छक्का सहित उच्च स्कोर बनाएका हुन् । खेलको म्यान अफ द म्याच पनि कप्तान खड्का नै भए । म्यान अफ द सिरिज पनि खड्का नै रहे ।
त्यस्तै ज्ञानेन्द्र मल्लले ३१, बिनोद भण्डारीले ९ , दिपेन्द्र सिंह एरिले ६, सन्दिप जोराले १९, रोहित पौडेलले १६ रन जोडे । सोमपाल कामि २६ रन र आरिफ शेख २१ रनमा नट आउट रहे ।
अब नेपालले माघ १७, १८ र २० मा टी–२० सिरिज खेल्नेछ ।
यो पनि :