तेस्रो तथा अन्तिम टि २० मा नेपालले युएईलाई १०५ रनको लक्ष्य दिएको छ। टस हरेर पहिले ब्याटिंग गरेको नेपालले निर्णायक खेलमा १०५ रनको लक्ष्य दिएको हो । बर्षातका कारण ढिलो सुरु भएको खेल १० ओभरमा झारिएको थियो ।
नेपालले निर्धारित १० ओभरमा ८ विकेटको क्षतिमा १०४ रन जोडेको हो । नेपालको लागि कप्तान पारस खड्काले सर्बाहिक २९ रन जोडे भने सन्दिप जोराले ११ बलमै २८ रन जोडे । त्यस्तै बिनोद भण्डारीले २१, ज्ञानेन्द्र मल्लले ११ तथा करण केसीले १० रन जोडे । पवन शराफ भने शुन्य रन मै आउट भएका थिए ।
यस अघि भएको पहिलो टि २० मा नेपाल पराजित भएको थियो भने दोस्रोमा जित निकालेको थियो । आजको खेल जिते नेपालले शृंखला पनि जित्ने छ । एक दिवसीय शृंखला नेपालले २-१ ले जितेको थियो ।
