बिग ब्यास लिगको उपाधिको लागि अहिले नेपाली लेग स्पिनर सन्दिप लामिछाने आवद्द मेलबर्न स्टार्स र मेलबर्न रेनिगेड्स भिडिरहेका छन् ।
टस हारेर ब्याटिंग गरेको रेनेगेड्सले स्टार्सलाई १४६ रनको बिजयी लक्ष्य दिएको छ । रेनेगेड्सले २० ओभरमा ५ विकेटको क्षतिमा १४५ रन जोडेको हो । खेलमा स्टार्सले कसिलो बलिंग गरेको छ । जसमा सन्दिपले ४ ओभर बलिंग गर्दै केवल १६ रन खर्च गरेका छन् । यद्यपि उनले विकेट भने लिन सकेनन । सन्दिपले आफ्नो पहिलो ओभरमा २ रन, दोस्रोमा ६ रन, तेस्रोमा ३ रन र चौथोमा ६ रन खर्चेका हुन् । यसमा लेग बाईको रुपमा १ अतिरिक्त रन पनि समाबेश थियो ।
यस संगै प्रतियोगितामा सन्दिपले ८ खेलबाट ११ विकेट लिएका छन् । सन्दिपले यसै सिजन बिग व्यासमा डेब्यु गरेका हुन् । डेब्यु प्रतियोगितामै सन्दिपले फाइनल खेल्ने अवसर पाएका हुन् ।
