अस्ट्रेलियामा बिग ब्यास लिग सकेर सन्दिप लामिछानेले दुबई पुगेका छन् । युएईमा जारी पाकिस्तान सुपर लिग खेल्न उनी दुबई पुगेका हुन् । लिग फागुन २ गतेदेखि सुरु भईसकेको छ । तर बिग ब्यास लिगमा सन्दिपको टिम फाइनलमा पुगेकाले उनी फाइनल सकेर मात्र दुबई पुगेका हुन् । बिग व्यास लिगमा सन्दिप आवद्द मेलबर्न स्टार्स उप बिजेता बनेको थियो ।
पाकिस्तान सुपर लिगमा सन्दिप लाहोर क्वालान्दर्स टिममा आवद्द छन् । टोलीले सन्दिपलाई गोल्ड श्रेणीमा अनुबन्ध गरेकाे थियाे । त्याे श्रेणीमा रहेका खेलाडीको पारिश्रमिक कम्तीमा ५० हजार देखि ७० हजार अमेरिकी डलर हुनेछ ।
प्रतियोगितामा सन्दिपको टिमले ३ खेल खेली सकेको छ । जस मध्ये १ मा जित र २ मा हार बेहोर्दै टोली अंक तालिकाको पुच्छरमा छ । टोलीको अर्को खेल आगामी शुक्रबार हुदैछ । यद्यपि खेलमा सन्दिपले अवसर पाउछन् वा पाउदैनन त्यो भने हेर्न बाँकि छ । तर उनले गरेको पछिल्लो प्रदर्शनको आधारमा उनी टिममा पर्ने संभवाना बलियो छ । सन्दिपले सुरुवाती ११ मा अवसर पाए प्रतियोगितामा त्यो उनको डेब्यु खेल हुनेछ ।
डबल राउण्ड रोबिनका आधारमा खेलाइने प्रतियोगितामा ६ टिमको सहभागिता छ।