मलेशियामा जारी सोलिडारिटी कप अन्तर्गत नेपालले आज समुह चरणको अन्तिम खेल खेल्दै छ । नेपालले आज प्रतियोगितामा उत्कृष्ट सुरुवात गरेको ब्रुनाईसंग प्रतिस्पर्धा गर्न लागेको हो । ब्रुनाईले आफ्नो पहिलो खेलमा पूर्वी टिमोरलाई ४-० को फराकिलो अन्तरले पराजित गरेको थियो। नेपालले भने पूर्वी टिमोरसंग गोल रहित बराबरी खेलेको थियो।
आजको खेलको नतिजाले नेपाल नक आउट चरणमा पुग्ने वा नपुग्ने निर्क्यौल गर्छ । सेमिफाइनल प्रबेश गर्न नेपालले आजको खेल बराबरी गरे पुग्छ । तर समुह बिजेता बन्नको लागि भने नेपालले आजको खेल जित्नै पर्छ । आजको खेलमा नेपालली पराजय बेहोरेपनि नेपाल सेमिफाइनलमा पुग्ने सम्भावना रहन्छ । तर त्यसको लागि नेपालले ३ गोल मात्र खानु पर्छ ।
नेपाल र ब्रुनाईबिचको खेल नेपाली समय अनुसार सबा पाँच बजे सुरु हुने छ। १० वर्ष अघि नेपालले ब्रुनाइसँग २–१ गोल अन्तरको पराजय बेहोरेको थियो । आज नेपाललाई त्यस पराजयको बदला लिने अवसर समेत छ ।
ब्रुनाई भने एक खेल अघि नै सेमिफाइनल पुगी सकेको छ । नेपाल सेमिफाइनलमा प्रवेश गर्न सके फाइनल प्रवेशको लागि मकाउसंग प्रतिस्पर्धा गर्ने छ ।