पाकिस्तान सुपर लिगमा सन्दिप लामिछाने आवद्द लाहोर कालान्दरले तेस्रो जित निकालेको छ । क्वेटा ग्ल्याडियटरलाई ८ विकेटले पराजित गर्दै टोलीले तेस्रो जित निकालेको हो ।
टस जितेर बलिंग गरेको लाहोरले क्वेटालाई १०६ रन मै समेट्न सफल भएको थियो । टिमलाई सस्तोमा समेट्न सन्दिपले ४ ओभरमा केवल १० रन खर्चेर ४ विकेट लिए । यो उनको टि २० क्रिकेट जीवन कै उत्कृष्ट प्रदर्शन हो । सन्दिपको कसिलो बलिंगको मद्दतमा क्वेटा १९.१ ओभर मै अल आउट भयो ।
१०७ रनको बिजयी लक्ष्य लिएर मैदान उत्रेको लाहोरले २ विकेटको क्षतिमा १६.३ ओभर मै लक्ष्य भेट्टायो । सन्दिप खेलको म्यान अफ द म्याच समेत भएका छन् ।
जित संगै लाहोरको ६ खेलबाट ६ अंक भएको छ ।