स्पेनिस कोपा डेल रे फुटबलको उपाधिका लागि बार्सिलोना र भ्यालेन्सियाबीच प्रतिस्पर्धा हुने भएको छ । भ्यालेन्सियाले सेमिफाइनलको दोस्रो लेगमा रियल बेटिसलाई १–० ले पराजित गरेसँगै बार्सिलोनासँगको भेट पक्का गरेको हो ।
बार्सिलोना भने सेमिफाइनलको दोस्रो लेगमा रियल मड्रिडलाई ३–० ले पराजित गर्दै यसअघि नै फाइनलमा पुगिसकेको छ । फाइनलमा उपाधिका लागि बार्सिलोनाले भ्यालेन्सियासँग मे २५ मा प्रतिस्पर्धा गर्दैछ ।
कोपा डे रे फुटबलमा बार्सिलोना सर्वाधिक सफल टिम हो । बार्सिलोनाले अहिलेसम्म ३० पटक उपाधि उचाली सकेको छ भने भ्यालेन्सियाले भने अहिलेसम्म सात पटक जितेको छ ।