पाकिस्तान सुपर लिगको अघिल्लो चरणमा पुग्ने ४ वटै टोलीको टुंगो लागेको छ । अन्तिम २ खेल अगावै दोस्रो चरण पुग्ने ४ टोलीको टुंगो लागेको हो । लिगमा क्वेटा ग्ल्याडियटर , पेशावर जल्मी, इस्लामावाद युनाइटेड र कराँची किंग्स अघिल्लो चरण प्रवेश गरेका हुन् । कराँची र पेशावरले एक आपसमा एक खेल खेल्न बाँकि रहेको छ । त्यो खेल आज हुनेछ ।
नेपाली लेग स्पिनर सन्दीप लामिछाने आवद्द लाहोर कलन्दर्स भने एक खेल खेल्नु अगावै प्रतियोगिताबाट बाहिरिएको छ । आइतबार बेलुका भएको खेलमा कराँची किंग्सले क्वेटा ग्याडियटर्सलाई १ रनले पराजित गरेपछि लाहोरको अघिल्लो चरणको सम्भावना सकिएको हो । १ सय ९१ रनको लक्ष्य पक्ष्याएको क्वेटा ग्याडियटर्सले २० ओभरमा ७ विकेट गुमाउँदै १ सय ८९ रन बनाएपछि कराँची प्ले अफमा पुग्दा लाहोर बाहिरिएको हो ।
अब लाहोरले आज अन्तिम खेल मुल्तान सुल्तानसँग खेल्दै छ । यी दुवै अंक तालिकामा पुच्छरका २ टोली हुन । दुबै टोली समुह चरणबाटै बाहिरि सकेको अवस्थामा दुवैलाई आजको खेल प्रतिष्ठाको लडाईंमात्र हुने छ ।
सन्दीपले जारी पिएसएलमा ६ खेलमा ११ विकेट लिएका छन्। पिएसएल अघि सन्दिपले बिग ब्यास लिग खेलेका थिए । जसमा उनको टिम उपविजेता भएको थियो । सकिएपछि सन्दिप आईपीएल खेल्न दिल्ली जाने छन् । आइपिएल मार्च २३ देखि सुरु हुदैछ ।