युरोपियन च्याम्पियन्स लिग फुटबलमा आज राति प्रिक्वार्टर फाइनलका अन्तिम दुई खेल हुँदैछन् । राति पौने दुई बजे हुने खेलमा स्पेनिस लिग लिडर बार्सिलोना फ्रेन्च क्लब ओलम्पिक लियोनसँग खेल्दैछ भने इंग्लिस क्लब लिभरपुल जर्मनको बायर्न म्युनिखसँग खेल्दैछ ।
यी दुबै खेलका पहिलो लेग गोलरहित बराबरीमा सकिएका थिए । त्यसैले आज भिड्ने सबै टिमलाई क्वार्टरफाइनलमा पुग्न जित्नै पर्ने दबाब छ ।
बार्सिलोनाले घरेलु मैदान नोउ क्याम्पमा आजको खेल अेल्दैछ । लियोनसँग पहिलो लेगमा गोलरहित बराबरी खेलेको बार्सिलोनाले खेलको सबै चार खेल जितेको छ ।
सन् २०१३ मा बायर्न म्युनिखसँग ३–० ले पराजित भएपछि बार्सिलोनाले घरेलु मैदानमा च्याम्पियन्स लिगको कुनै पनि खेल हारेको छैन । घरेलु मैदानमा २६ खेल खेलेको बार्सिलोनाले २३ मा जित र तीनमा बराबरीको नतिजा निकालेको छ ।