ला लिगाअन्तर्गत सिजन २०१८/१९ को अन्तिम खेलमा रियल मड्रिड घरेलु मैदानमा पराजित भएको हो । आइतार अपराह्न भएको लिगको ३८औं खेलमा रियललाई पाहुना टोली रियल बेटिसले २–० गोल अन्तरले पराजित गरेको हो ।
सान्टियागो बेर्नाबेउमा भएको खेलमा स्टार फरवार्ड ग्यारेथ बेललाई बेन्चमा राखेर मैदान उत्रेको रियलका कुनै पनि फरवार्ड नचल्दा गोलविहीन हुँदै हार बेहोर्यो ।
पहिलो हाफ गोलरहित बराबरीमा सकिएको खेलमा बेटिसले २ वटै गोल दोस्रो हाफमा गरेको थियो । उसका लागि ६१औं मिनेटमा लोरे मोरनोले पहिलो गोल र ७५औं मिनेटमा जोसेले गोल गर्दै टिमलाई जित दिलाए ।
आजको हारसँगै रियल ३८ खेलबाट ६८ अंक बनाएर तेस्रो स्थानमा रहँदै सिजन पूरा गरेको छ । यता, विजयी बेटिसले ३८ खेलबाट ५० अंक बनाउँदै आफूलाई १०औं स्थानमा राखेर सिजन पूरा गर्यो ।