प्रधानमन्त्री कप राष्ट्रिय क्रिकेट प्रतियोगिताको उपाधिका लागि नेपाल पुलिस क्लब र त्रिभुवन आर्मी क्लब भिड्ने भएका छन् । सर्वाधिक पुरस्कार राशिको उक्त प्रतियोगिताको फाइनल भिडन्त सनिबार कीर्तिपुरस्थित त्रिवि क्रिकेट मैदानमा हुनेछ ।
पुलिसले बिहीबार भएको दोस्रो सेमिफाइनल खेलमा सशस्त्र प्रहरी बलको एपिएफ क्लबलाई पाँच विकेटले पराजित गर्दै फाइनल यात्रा तय गरेको थियो भने आर्मीले प्रदेश नं ३ लाई ११७ रनले पराजित गर्दै फाइनलमा पुगेको हो ।
समूह चरणको खेलमा भने पुलिसले पुलिसले आर्मीलाई ५० रनको अन्तरले पराजित गरेको थियो ।
राष्ट्रिय खेलकूद परिषद्को आयोजना तथा नेपालय इन्टरनेशनल प्रालीको सहकार्यमा भएको उक्त प्रतियोगिताको विजेता टोलीले २० लाख तथा उपविजेताले १० लाख प्राप्त गर्नेछ । त्यस्तै प्रतियोगिताको उत्कृष्ट खेलाडीले मोटरसाइकल प्राप्त गर्नेछ भने उत्कृष्ट ब्याट्सम्यान र बलरले जनही ५०/५० हजार प्राप्त गर्नेछन् ।
