अर्जेन्टिना कोपा अमेरिकाको क्वार्टरफाइनलमा प्रवेश गरेको छ । आइतबार राति भएको खेलमा आमन्त्रित राष्ट्र कतारलाई २–० ले पराजित गर्दै अर्जेन्टिना समुहको उपविजेताको रुपमा क्वाटरफाइनलमा प्रवेश गरेको हो ।
लौटारो जाभियर मार्टिनेजले चौथो मिनेटमै गोल गर्दै अर्जेन्टिनालाई सुरुआती अग्रता दिलाएका थिए । ८२ औं मिनेटमा सर्जियो अग्युरोले गोल गर्दै टोलीको क्वाटरफाइनल यात्रा तय गरेका हुन् ।
समुह ए बाट ब्राजिल र भेनेजुएला, समुह बि बाट कोलम्बिया र अर्जेन्टिना तथा समुह सी बाट चिली र उरुग्वे अघिल्लो चरणमा पुगेका छन् ।
अब क्वाटरफाइनलमा अर्जेन्टिनाले भेनेजुएलाको सामना गर्ने छ । अन्य टोलीको प्रतिद्वन्द्वी टुंगो लाग्न बाँकि छ ।
