अजेन्टिनी कप्तान लियोनल मेस्सीले करियकै दोस्रो कार्ड खाएका छन् । जारी कोपा अमेरिका फुटबल प्रतियोगीता अन्तर्गत आइतबार बिहान भएको चिलीसँगको खेलमा मेस्सीले रातो कार्ड पाएका हुन् ।
खेलमा अर्जेन्टिनाले चिलीलाई हराएर तेस्रो भएपनि मेस्सीले अहिलेसम्मको खेल जीवनमा दोस्रो पटक रातो कार्डसँगै प्रतियोगिता अन्त्य गरे । आजको खेलमा अर्जेन्टिनाले चिलीलाई २–१ गोल अन्तरले पराजित गरेको हो ।
खेलमा अर्जेन्टिनाले १२ औं मिनेटमा सर्जिओ एग्युरोको गोलबाट अग्रता लिएको थियो । उनले मेस्सीको पासमा गोल गरेका थिए । १० मिनेटपछि पाउलो डिबलाले गोल गर्दै अग्रता दोब्बर बनाए ।
तर खेलको ३७ औं मिनेटमा मेस्सीले रातो कार्ड पाए । उनीसँगै चिलीका ग्यारी मेडलले पनि रातो कार्ड पाएका थिए ।