नेपालको यु १९ टोलीले एशियाली यू-१९ पूर्वी क्षेत्रीय प्रतियोगिता २०१९ को उपाधि जितेको छ । आज भएको फाइनल खेलमा हङ्कङलाई ६ विकेटले पराजित गर्दै नेपालले उपाधि जितेको हो ।
टस जितेर बलिंङ गरेको नेपालले हङ्कङलाई ९६ रन मै अल आउट गरेको थियो । खेलमा सागर ढकालले सर्वाधिक ५ विकेट लिए । ९६ रनको लक्ष्य नेपालले १६.१ ओभरमा चार विकेट गुमाएर पुरा गर्यो ।
यो जितसँगै नेपाल यसै वर्ष अगस्ट २८ देखि सेप्टेम्बर ८ सम्म श्रीलंकामा हुने यू-१९ एशिया कपका लागि छनौट भएको छ।
सो प्रतियोगितामा भारत, पाकिस्तान, अफगानिस्तान, बांग्लादेश र श्रीलंकासहित यूएई र कुवेत समावेश हुनेछन्। साथै यो प्रतियोगिताको फाइनलमा पुगेका दुई टोली नेपाल र हङ्कङ सन् २०२० को नोभेम्बरमा यूएईमा हुने यू-१९ एशिया कपका लागि छनौट भएका छन्। सो प्रतियोगितामा भारत, पाकिस्तान, अफगानिस्तान, बांग्लादेश, श्रीलंका, नेपाल र हङ्कङसहित पश्चिम क्षेत्रीय प्रतियोगिताको विजयी टोली समावेश हुनेछ।