अन्तराष्ट्रिय टी–२० क्रिकेटमा मलेसियाले नेपाललाई १२९ रनको लक्ष्य दिएको छ । क्वालालम्पुरस्थित किनरारा ओभलमा शनिबार टस जितेर पहिले ब्याटिङ गरेको घरेलु मलेसियाले २० ओभरमा ९ विकेट गुमाउँदै १२८ रन बनाएको छ ।
मलेसियाका लागि ओपनर विरन्दीप सिंहले ४९ बलमा ७ चौका र १ छक्काको मद्दतमा ५७ रन बनाए । कप्तान अहमेद फायजले ४५ रन जोडे । अर्का ओपनर सयेद अजिज भने शून्यमै आउट भएका थिए। उनलाई सोमपाल कामीले बोल्ड गरेका हुन् । फित्री सामले १२ रन जोड्दा साफिक सारिफ २ रन र अमिमिद्दीन राम्मी ० रनमै आउट भए ।
बलिङमा नेपालका लागि करण केसीले ३ विकेट लिए । उनले ३ वटै विकेट अन्तिम ओभरमा लिएका थिए । सन्दीप लामिछाने र बसन्त रेग्मीले समान २/२ र सोमपाल कामीले १ विकेट लिए ।