बार्सिलोनाका मिडफिल्डर फिलिप काउटिन्हो जर्मन क्लब वायर्न म्युनिख जाने निश्चित भएको छ । बार्सिलोनाले काउटिन्होलाई बायर्नमा विक्रि गर्न लागेको हो ।
बायर्नले १ वर्षका लागि काउटिन्होलाई लोनमा अनुबन्ध गर्ने भएको हो । आइतबार उनको स्वास्थ्य परिक्षण गरेर औपचारिक रुपमा अनुबन्ध गरिएको जानकारी गराउने बायर्नको तयारी छ ।
बायर्न जाने पक्का भएपछि काउटिन्होले शुक्रबार राति भएको ला लिगाको पहिलो खेल पनि खेलेनन् ।
२७ वर्षीय काउटिन्हो गत सिजन मात्र बार्सिलोना आएका थिए । उनले गत सिजन बार्सिलोनाबाट ५४ खेल खेल्दै ११ गोल गरेका थिए ।