अन्तराष्ट्रिय क्रिकेट काउन्सिल (आइसिसी) को नयाँ वरियतामा नेपाल दुई स्थान तल झरेको छ । आइसिसीले निकालेको अक्टोबर महिनाको टी–२० पुरुष वरियतामा नेपाल ११ औँ स्थानबाट १३ औँ स्थानमा पुगेको छ । दुई साताभित्र दुईवटा टी–२० अन्तराष्ट्रिय सिरिज खेल्दा पनि नतिजा खराब आएपछि नेपालको स्थान ओरालो लागेको हो ।
यसअघि नेपालको वरियाता नम्बर ११ मा स्कटल्यान्ड पुगेको छ । युएई १२औँ स्थानमा छ । स्कटल्यान्ड र युएईले समान १९४ रेटिङ अंक पाउँदा नेपालले १९० मात्रै पाएको छ ।
टी–२० को नयाँ वरियतामा २७४ रेटिङ अंकका साथ पाकिस्तानले शीर्ष स्थान ओगटेको छ । इंग्ल्यान्ड दोस्रो, दक्षिण अफ्रिका तेस्रो र भारत चौथो स्थानमा छन् ।