ग्रनाडा स्पेनिस ला लिगाको शीर्ष स्थानमा उक्लिएको छ । अल्भारो भाडिलोले गरेको एक मात्र गोल अन्तरले रियल बेटिसलाई हराउँदै ग्रनडा लिगको शीर्ष स्थानमा उक्लिएको हो । १० खेलबाट २० अंक जोडेको ग्रनाडा शीर्ष स्थानमा रहँदा बार्सिलोना दोस्रो स्थानमा छ ।
एक खेल कम खेलेको बार्सिलोना तथा एथ्लेटिको म्याड्रिड, सेल्टा भिगो र सेभियाभन्दा ग्रनाडाले १ अंकको अग्रता बनाएको हो । मंगलबार रियल भालाडोलिडलाई हराउन सके बार्सिलोना पुनः लिगको शीर्ष स्थानमा उक्लनेछ ।
आइतबार भएको अर्को खेलमा सेभियाले गेटाफेलाई २–० ले हराउँदा ओसासुनाले भ्यालेन्सियालाई ३–१ ले पराजित गरेको छ ।
