आइतबारबाट औपचारिक रुपमा सुरु भएको १३औं दक्षिण एसियाली खेलकुद (साग) अन्तर्गत आज सोमबारबाट चर्चित खेलहरु फुटबल र क्रिकेट सुरु हुदै छन् । आजबाट महिला क्रिकेट र पुरुष फुटबलको खेलहरु सुरु हुन् लागेको हो ।
महिला क्रिकेटको खेल पोखरामा हुनेछ । जसमा नेपालले उद्घाटन खेलमा माल्दिभ्ससँग खेल्नेछ ।
पुरूष फुटबल पनि आजबाट सुरु हुदै छ। पुरुष फुटबलको खेल दशरथ रंगशालामा हुने छ। आज पहिलो दिन सोमबार बंगलादेश र भुटान तथा माल्दिभ्स र श्रीलंकाबीच खेल हुनेछ । नेपालको पहिलो खेल भने मगलबार भुटानसँग हुने छ। त्यस्तै महिला महिला फुटबल मंगलबारदेखि पोखरामा सुरु हुनेछ।
भलिबलतर्फ भने आज महिला र पुरुष दुवैको तेस्रो स्थानको लागि खेल हुने छ। पुरुषतर्फको खेल २ बजे र महिलातर्फको खेल ४ बजे हुनेछ। फाइनल खेल मंगलबार हुनेछ ।