एसिसी यु १९ युथ एसिया कप क्रिकेटको आफ्नो दोस्रो खेलमा नेपालले अहिले भारतसंग प्रतिस्पर्धा गरिरहेको छ । आफ्नो पहिलो खेलमा श्रीलंकासंग १ रनको झिनो अन्तरले पराजित भएको भोलिपल्ट नेपालले भारतसंग प्रतिस्पर्धा गरिरहेको हो ।
जारी खेलमा नेपालले भारतलाई १७३ रनको बिजयी लक्ष्य दिएको छ । टस जितेर पहिले ब्याटिंग गरेको नेपालले ५० ओभरमा ९ विकेटको क्षतिमा १७२ रन जोड्यो ।
नेपालका लागि रोहित कुमारले सर्बाधिक ६८ रन जोडे । उनले अन्तिम ओभरमा २ छक्का र ३ चौका समेत प्रहार गरे । उनले खेलमा कुन ७ चौका प्रहर गरे । ६८ मध्ये उनको ४० रन बाउन्ड्रीबाट आएको थियो ।
त्यस्तै हिजोको खेलमा ९० रनको उत्कृष्ट पारी खेलेका दिपेन्द्र सिंह ऐरीले ३४ रन जोडे । खेलमा आसिफ शेखले १८, केसी प्रकाशले १३, सन्दिप सुनारले ७ , शुभानकर उराउले ९ रन , पवन शरफले २, कप्तान सन्दिप लामिछानेले ७ रन जोडे ।
भिम सार्की, नन्दन यादव र आदील खानले खाता नै खोल्न सकेनन् । भारतका लागि राहुल चाहरले सर्बाधिक ५ विकेट लिए ।
