बार्सिलोनाका कप्तान अर्जेन्टिनी फुटबल स्टार लियोनल मेसीले छैटौँ पटक बोलोन डी’ओर अवार्ड जितेका छन् । उनले लिभरपुलका भर्जिल भान डिजेक पोर्चुगिज स्टार क्रिस्टियानो रोनाल्डोलाई पछि पार्दै मेसीले उपाधि जितेका छन् । यस संगै मेसीले सबैभन्दा धेरै यो उपाधि जित्ने कीर्तिमान समेत बनाएका छन्।रोनाल्डोले पाँच पटक यो उपाधि जितेका छन् ।
खेलाडी, प्रशिक्षक तथा खेल पत्रकारको मतका आधारमा प्रदान गरिने अवार्डमा लिभरपुलका भर्जिल भान डिजेक दोस्रो, र युभेन्टसका क्रिस्टियानो रोनाल्डो तेस्रो स्थानमा रहे।
फ्रान्स फुटबल म्यागजिनले प्रदान गर्ने यो अवार्ड मेसीले पहिलो पटक २००९ मा जितेका थिए । त्यसपछि २०१०, २०११, २०१२ मा गरी लगातार चार पटक र २०१५ मा गरी पाचौं यो अवार्ड जितेका थिए।