नेपाली क्रिकेट टिमका कप्तान ज्ञानेन्द्र मल्लले पोखरा प्रिमियर लिग (पीपीएल)मा विस्फोटक ब्याटिङ गरेका छन् । एक्सपर्ट धनगढी र काठमाडौं गोल्डेन वारियर्सबीचको खेलमा ज्ञानेन्द्रले ३७ बलमै शतक हानेका हुन् । आजको शतकसँगै मल्ल घरेलु क्रिकेटमा सबैभन्दा छिटो सतक बनाउने कीर्तिमानी खेलाडी समेत बनेका छन् ।
काठमाडौं गोल्डेनका कप्तानसमेत रहेका मल्लले ८ छक्का र नौ चौका प्रहार गरेका छन् । मल्ल कमल सिंह ऐरीको बलमा आउट भए । उनको इनिङको मद्दतले अघिल्ला दुई हारेको काठमाडौंले निर्धारित १७ ओभरमा १८५ रनको स्कोर खडा गरेको छ ।