स्पानिस ला लिगाको एल क्लासिको बराबरीमा सकिएको छ । बार्सिलोना र रियल मड्रिडबीचको उपाधीको निर्णायक मानिएको खेल गोलरहित बराबरीमा सकिएको हो ।
बार्साको घरेलु मैदान क्याम्प नोउमा भएको खेलको ७१ औं मिनेटमा रियलका गारेथ बेलले अफसाइड गोल गरे । त्यस अघि र पछि दुवै टिमले गोलका राम्रा अवसर गुमाउँदा अंक बाढ्न बाध्य भएका हुन् ।
सन् २००२ यता एल क्लासिकोमा गोल हुन नसकेको यो पहिलो पटक हो । गए रातीको बराबरीपछि अंक तालिकामा बार्सिलोना र रियलले समान एक÷एक अंक थपेका छन् । १७ खेलबाट दुवै टोलीको समान ३६ अंक छ । गोल अन्तरमा बार्सिलोना अंक तालिकामा शीर्ष स्थानमा छ ।