नेपाली राष्ट्रिय क्रिकेट टोलीका मुख्य प्रशिक्षक उमेश पटवालले राजीनामा दिएका छन्। उनले अन्तर्राष्ट्रिय क्रिकेट काउन्सिल (आईसीसी)मा राजीनामा बुझाएको र त्यसको बोधार्थ क्रिकेट संघलाई पनि दिएको स्रोतले जनाएको छ ।
नेपाल क्रिकेट संघ निलम्बनमा रहेका बेला राष्ट्रिय खेलकुद परिषद् (राखेप)को पहलमा आईसीसी मार्फत उनी नियुक्त भएका थिए । उनलाई मासिक ७ हजार डलर तलब दिने गरी मुख्य प्रशिक्षकको जिम्मेवारी दिईएको थियो ।
पटवाल गत जेठमा एक वर्षका लागि नेपाली राष्ट्रिय क्रिकेट टिमको मुख्य प्रशिक्षकमा नियुक्त भएका थिए । तर १ वर्ष सकिनु अगाडी नै उनको राजनीमा आएको हो । यद्यपि उनको राजिनामा बुधबारबाट सुरु हुने नेपाल, ओमान र अमेरिकाको सिरिज सकिएपछि मात्र लागू हुने छ ।