क्रिकेटमा १ सय १७ बर्ष देखि कायम एउटा बिश्व रेकर्ड मंगलबार तोडिएको छ। १ सय १७ बर्ष अघि इंगलैंडमा बनेको रेकर्ड अहिले भारतमा तोडिएको हो ।
भारतमा जारि रंजी ट्रफीको क्वाटरफाइनल खेलमा गुजरातको तर्फबाट ब्याटिंग गर्दै समित गोहेलले अविजित ३ सय ५९ रन बनाए । उनले उडिसा बिरुद्द बनाएको यो किर्तिमान प्रथम श्रेणी क्रिकेटको इतिहासमै कुनै पनि ओपनरले बनाएको सर्बाधिक स्कोर हो ।
२६ बर्षिय गोहेलले सन् १८९९ मा इंगलैंडको ओभल क्रिकेट मैदानमा सर्रे टिमको तर्फबाट बबी आबेलले बनाएको रेकर्ड तोडेका हुन् । आबेलले सोमरसेट बिरुद्द ३५७ नक आउट रन बनाएका थिए ।
गोहेलले ३५९ रन बनाउन ७२३ बाल खर्चिए । त्यस अवधिमा उनले ४५ चौका र एक छक्का समेत प्रहार गरे । उनको ३५९ रनको मद्दतमा गुजरातले दोस्रो इनिंगमा ६४१ रन बनायो । यो संगै गुजरातले ओडिसालाई जितको लागि ७०६ रन्को बिशाल लक्ष्य दियो ।
खेल बराबरी भएपनि पहिलो इनिगको नतिजामा गुजरात सेमिफाइनल प्रबेश गरेको छ । फाइनल प्रवेशको लागि गुजरातले झारखण्डसंग प्रतिस्पर्धा गर्ने छ । अर्को सेमिफाइनलमा मुम्बई र तमिलनाडु भिड्ने छन्।