भारतमा जारी चौथो साफ च्याम्पियनसिप महिला फुटवलको पहिलो सेमिफाइनलमा आज सोमबार नेपालले र भारत भिड्दै छन् । यस अघिका सबै ३ संस्करणमा यी दुई टोलीको भेट फाइनलमा मात्र भएको थियो । तर यस पटक भने सेमिफाइनल मै यी दुई भिड्न लागेका हुन् । सोहि कारण दुवै टोलीको लागि यो खेल फाइनल सरह भएको हो ।
नेपाल समुह एको बिजेता बन्दै नक आउट चरण प्रवेश गरेको हो भने भरत समुह बीको उप बिजेता हो । नेपाललाई भुटानलाई ८-०, माल्दिभ्सलाई ९-० र श्रीलंकालाई १-० गोल अनात्रले पराजित गर्दै नक आउट चरण पुगेको हो । यस अवधिमा नेपालले एक गोल पनि नखाई १८ गोल गर्यो ।
उता भारतले भने अफगानिस्तानलाई ५-१ ले पराजित गर्यो भने बंगलादेशसंग गोल रहित बराबरी खेल्यो । समुह बिमा ३ देश मात्र थिए । समुह बिबाट बंगलादेश र समुह एबाट माल्दिभ्स पनि सेमिफाइनल प्रवेश गरेका छन् । यी दुईको खेल पनि आज नै हुदै छ ।
प्रतियोगितामा नेपालकी सावित्रा भण्डारीले सर्बाधिक ११ गोल गरेकी छिन् ।
नेपाल र भारतबिचको खेल नेपाली समय अनुसार भारतको सिलिगुडीमा रहेको कञ्चनजंगा स्टेडियममा दिउँसो सवा २ बजेपछि सुरु हुनेछ ।