फिफाले फिफा द वेस्ट अवार्ड रद्द गरेको छ । कोरोना भाइरसका कारण उत्कृष्ट खेलाडी र प्रशिक्षकलाई प्रदान गरिने यो अवार्ड यो वर्ष वितरण नगर्ने फिफाले जनाएको छ ।
स्पेनिस मिडियाका अनुसार यो वर्षको अवार्ड आगामी सेप्टेम्बरमा इटालीको मिलानमा हुने तय थियो । तर फिफाका अध्यक्ष गियानी इन्फान्टिनोले कोरोनाका कारण फुटबलका अधिकांश खेलहरु स्थगित र रद्द भएको भन्दै फिफा वर्ष खेलाडीको अवार्ड यस वर्ष वितरण नगरिने जानकारी दिएका छन ।
गत सिजन यो अवार्ड बार्सिलोनाका अर्जेन्टाइन फरवार्ड लियोनल मेसीले जितेका थिए ।