नेपाली क्रीकेट समर्थक समाज (एनसीएसएस) जिल्ला समन्वय समिति झापाको आयोजनामा कंगारु एनसीएसएस टि २० क्रिकेट प्रतियोगिता हुने भएको छ । १६ टोलिबिच नक आउटको आधारमा हुने प्रतियोगिताको बिजेताले २५ हजार तथा उप बिजेताले १५ हजार प्राप्त गर्ने छन् ।
त्यस्तै उत्कृष्ट ब्याट्सम्यान र बलरलाई समान ३ हजार, म्यान अफ द सिरिजलाई ५ हजार र प्रतियोगितामा सर्बाधिक छक्का प्रहार गर्ने खेलाडीलाई २ हजार प्रदान गरिने आयोजकले जनाएको छ ।
माघ ६ देखि सुरु हुने प्रतियोगितामा फाइनल समेत गरेर १५ खेल हुनेछन् । फाइनल खेल १३ गते ११ बजे हुने छ भने त्यस अघि अन्य दिन ९ बजे र १ बजे गरी २ खेल हुने छ । सबै खेल प्रगति युवा समाजको मैदान शनिअर्जुन् -९, झापामा हुने छ ।
प्रतियोगितालाई कंगारु एजुकेशन फाउन्डेसनले स्पोन्सर गरेको छ । प्रतियोगिताको उद्घाटन झापा क्षेत्र नम्बर ४ का सांसद प्रेम बहादुर गिरिले गर्ने कार्यक्रम छ । क्रिकेट समर्थक समाजको स्थापनापछि उसले पहिलो प्रतियोगिता आयोजना गर्न लागेको हो ।
यस्तो छ प्रतियोगिताको खेल तालिका ।
