आइसिसी विश्व क्रिकेट लिग च्याम्पियनसिप अन्तर्गत केन्याविरूद्धको खेलको लागि अन्तिम १४ जना खेलाडीको सुची सार्बजनिक भएको छ । यस अघि सुपर लिगबाट छानिएका २४ खेलाडीको सुचीबाट अन्तिम १९ खेलाडी छानिएकोमा भारत भ्रमणपछि अन्तिम १४ खेलाडीको सुची सार्बजनिक गरिएको हो ।
आइसिसिको प्रतिनिधि भेनकटपपति राजु, कप्तान पारस खड्का र प्रशिक्षक जगत टमाटा सम्मिलित छनौट समितिले अन्तिम १४ खेलाडी छनौट गरेको हो । केन्या बिरुद्दको खेल आगामी फागुन २८ र ३० गते कीर्तिपुरमा हुनेछ ।
हेर्नुस को को परे?
- पारस खड्का, कप्तान
- ज्ञानेन्द्र मल्ल, उपकप्तान
- आरिफ शेख,
- मेहबुब आलम
- करण केसी
- सागर पुन
- सरद भेषवाकर,
- शक्ति गौचन,
- सोमपाल कामी
- सुनिल धमला
- दीपेन्द्र सिंह ऐरी
- बसन्त रेग्मी
- बिनोद भण्डारी
- सन्दिप लामिछाने
बैकल्पिक खेलाडी
- दिलिप नाथ
- राजेश पुलामी मगर
- अभिनास कर्ण
- भुवन कार्की
टोलीमा सुनिल धमला र दिपेन्द्र सिंह ऐरी नयाँ अनुहार छन् । यस्तै अलराउण्डर मेहबुब अलमले राष्ट्रिय टोलीमा पुनरागमन गरेका छन् । भारत भ्रमणमा रहेका आशिफ शेख नेपाली क्रिकेट टोलीबाट बाहिरिएका छन् । ५ महिना अघि भएको एभरेस्ट प्रिमियर लिग टि २० प्रतियोगितामा आशिफले प्रतियोगिता कै पहिलो शतक प्रहार गरेका थिए । उपाधि बिजेता पन्चकन्या तेजबाट खेलेका उनले १११ नक आउट सहित प्रतियोगितामा ६ खेलबाट सर्बाधिक २२० रन बनाएका थिए ।
यो पनि: नेपाल र केन्याबिचको खेलको टिकट विक्रीको जिम्मा इसेवालाई,अनलाइन मार्फत यसरि किन्नुहोस्